Mizoram ExpressNews & Views of the Hill People

Subscribe via email

Grab our RSS Feed

Manipur South Gospel Centenary Special Report

By Priscilla V. Zote

TUITHRAPHAI: Mizoram chanchintha lui chu Manipur Chhim thlang Manipur South District @ Tuithraphai (Churachandpur) ah chuan luang lutin, chu mi chanchin tha chuan hmasawnna sang tak rawn piang chhuakin tunkum chu Centenary kum a ni tawp mai awm e. Mahse engtin nge Centenary hi hman a ni dawn kan hre lo le, tu kohhranin nge hmang hlawk ber dawn?

Centenary kum za chanchintha Gospel a lo delna a ni taw hang rengin hmasawnna kalkawng chu kan zawh thui tawh hle a,mahse kan hmasawn lohna pawh en nun a ngai hle bawk awm e.

Rual u leh, then rual hmu phak lo te zun zawng a van a em, hranghlui mi hlui te tho tur in a mawi si lo, rawl thar ten kan hmu phak hi a va lawm awm em)

Mizoram Hmar lam, Manipur Chhim thlang Hmar te chenna Leiri Khaw sat Senvon, kum 1910 hun lai Lal pu Kamkholunin Sap Tlangval @ Watkin Rpberts chanchin tha hril tura sawmna a neih zarah Aizawl atangin lutin Kristianna chu a lut ta a.Chu mi thang chho zelin tunah chuan Churachandpur District huam chhung chu 98% vel chu Kristian an ni awm e. Non Mizo,(Manmasi) tlem te ringlo mi an la awm bawk. Hre chiang duh te tan chuan Manmasi Year Book Vol. I & II kha chhiar ila Kohhran lo pian dan leh dinhmun chiang takin a hriat theih ang.

Chanchintha thlen atanga chhiarin tun kum hi a kum 100-na a lo ni ta a, chuvangin kohhran hrang hrang leh Mizo (Manmi) chi hrang hrang te chuan Gospel Centenary chu lawm tur leh lawm mek an awm bawk. Kohhran hrang hrang te lawmna buatsaih te zingah Independent Churah of India te inbuatsaihna hi a ropui hle mai a. atlangpui tarlan lawk ang.

Independent Church of India kohhran hi hriat lar bdan pakhat chu fam Pu Buonglienkung, Rev. HP Runremthang , Fam Rev. Ngamlalchawl, zaithiam hriat lar Pi Lalruotmawi a Kohhran hlui leh Mizo (Manmasi) Hmar te zinga Kohhran bubitna leh tamna ber pawl leh kohhran chak leh Kohhran nung tak , ICI Central Choir te awmna Kohhran a ni ti ila kan hmelhriat nghal a rinawm.

ICI Kohhran chuan date February 4-7 khan Sielmat khuah mi khual sang tam tak,Mizoram,Asom,Shillong, leh India ram hmun hrang hrang atngin kal khawmin rropui tak leh lawm taka hman zo a lo ni ta a. A Program chu hen gang hian atlangpuiin hman a ni e.

February 4 khan Canada atangin Mr. David Roberts te chhung( Wartkin R.Roberts family) te chu Imphal Airport-ah mipui za tam takin Motor ke pali nei leh ke pahnih neiin hmuak a ni a, he an hmuakna kalkawng Churachandpur Gate, kangvai khaw Lal TH. Lamkam Vaiphei chuan “Warm Reception Message to Dr. David Roberts” tih thupui hmangin Lehkha meuin siamin thupha chawina leh Sign tirna a lo nei, achhunga thu ziah chu “ On this spot, in the year 1955,31st Januarey,Late Mr. Watkin Roberts , was rudely turned back unsolicited, by a few misguided group of people.This untoward incident is deeply regretted. On this day, the 4th of February , I, the chief of kangvai Village and my people, the Kangvai Villagers would like to extend our warmest GREETINGS in the Blessed name of Our Saviour Jesus Christ to you, Dr. David Roberts , grandson of Late Mr. Watkin Roberts , the harbinzer of the Good News in southern Manipur with penitence and humility echoing from each of our hearts.

As a token of our love and esteemed benevolence, I, on behalf of my people, present you our Traditional Vaiphei Shawl” tih ziakin a hnuaiha Kangvai lal leh Roberts an a hming a sign a ni.( Centenary hlawkna pakhat chu a ni nghal a ni).

Celebration a tan zan: Meiserh chu Rengkai atangin Sielmat chu luh puiin ICI Kohhran-in hmun hrang hranga rawngbawlna an neih atanga chanchintha lo ring tawh te meiserh an pe chhawng a, he meichher hi David Roberts-in a hal a ni.Roberts chu thu sawina neiin a lawm zia thu leh a pu hnathawkna leh Pathian thil tih a nih ziah uar takin a sawi bawk a. Thusawina hun pui ber hmangtu Rev. Vanlalzuata thusawi chu mipuiin an ngaithla tha hle in, hlawkna tam takin an neih thu an sawi.

Probrame ni pui ber February 5, chhunah chuan Mikhual liana an sawm Manipur Chief Minister chu a rawnkal theih lo h vangin Message leh Centenary tanpui tan Rs. 1,00,000/- a rawn thawn.Heng vang hian Upa T.Phungzathang, Minister, Power, Horti. And Science & technology) chu Chief Guest a hman niin amah chuan thusawina hun a neih bakah Suin a tanpui bawk.

He hunserh hman naah hian “A journey Through the Decades” tih thupui hmangin dram kum za chhunga Kristiannain mi a tih changkan dan leh Kristian nih hmaa lu la hnam kan nih laia din hmun an entir chuan mipui kal khawm te leh thlirtu te thinlung a khawih thar hle a ni. Thousands Voice, 1000 Children Voice in thiam takin centenary hla an sak chuan mipui beng a ti tlei hle mai. Zaithiam ICI Central Choir te pawn thiam takin fakna hla an sa deuh reng bawk.

Centenary hun chhung hi ni thum chhung a ni a, he mi hunah hian tlai lam a piangin ruai the a ni a, indaih hlein a chuang reng thu dawn a ni bawk. He mi hun a kal khawm te hi Sing thum leh Sing li an ni vel ziah rin a ni. He mi hunah hian Pensioner tam tak leh mi chawimawi tlaka an ngaih te chawimawina hlanin chung te zingah chuan Dr. Hmar Tlawmte Sangliana,Vice Chairman,National Commision for Minorities(NCM) Govt. of India leh Pi Lalremsiem , Executive Director,NEREFS te pawh an tel. He hunserh hamn chhung hian Orissa rama Kristian tena harsatna an tawk lai nu le pa nei tawh lo an lo that sak te mi 8 vel an rawn tel a, hla te hlanin mipiui thinlung a khawi hle a ni.He hunserhah hhian thusawitu mi hrang hrang sawm a ni a, chung te zingah chuan Rev.(Dr). Rothanglien Hmar Missionary, Karbianglong ( Amah hi IAS atanga Pathian ram tul ziah hriain, a nihna sang tak kal sanin Isua hminga hreawm taka tawrh thlangin a lo Officer a lo inresigned ta ni).

ICI Central Choirin thiam taka an an sak Cassette thar an siam pawh tlangzarh a ni a, hralh a atla hle a duh te tan chuan ngaihven vat a tha a ng.

He centenary lawmna inkhawm hi a hlawhtling hle a, mikhual tam tak an awm laiin buaina leh harsatna lutuk a thleng lo a, chu vangin Celebration Committee chuan tawngtaiputu leh moral Support an pek vanga hlawhtling a nih an hriat hian Pathian hnenah lawmthu sawiin heng te bulah pawh hian lawmthu ba lovin an sawi mawl mawl bawk a ni.

Centenary celebration hi Churahcnadpur hmun hrang hrangah lawmna hunserh hman ani a, chung te zinga Record siamtu Thenmuol Local Church hi I han thlir lawk te ang : Kum 1910 -2010 chhung hian Churachandpur huam chhunga khawkhata Biakin pakhat chauh awmna Local Church din tawp chu Thenmuol Village hi a ni a, Tuithaphai Khawpui atangin KM 7 vela hla niin khaw inthurual thei tak an ni a, ahma chuanICI,EFCI,AG te awmin mahse khawkhat nisi Kohhran hrang hranga awm hi thil tha a an hriat loh vangin Local-in tu kohhran mah zawm lovin Bible ringin Doctrine pawh dang chuang lovin, Trinity ringin Kohhran chak tak leh nung tak niin 1990 Nov. 16 khan din tannin , Local Pastor Hmasa ber chu Pastor Hmangdolien niin tunah hian Pastor Luoia leh Pastor Zasangkhum a ni. In 70 vel awmna, biakin tha tak sain tun tum Centenary celebration pawh February 4-7 chhung hian ropui takin an Local chuan nitin ruai nen an lawm a ni. He khua hi Mizo khuaah chuan hmaih theih a ni ngai lovang tih theih hiala khaw pawimawh leh ziah ve tulna a nei tlat a ni. Hriat awlsamnan Pi Lalruotmawi pianna khua, Manmasi Year Book Editor ngei pawh hi he khuaah hian a piang bawk a ni. Ziah loh tam tak te pawn hman tumin an inbuatsaih mup mup reng a ni.

Posted by Mizoram Express on Feb 9th, 2010 and filed under News. You can follow any responses to this entry through the RSS 2.0. You can leave a response by filling following comment form or trackback to this entry from your site

This website uses IntenseDebate comments, but they are not currently loaded because either your browser doesn't support JavaScript, or they didn't load fast enough.

18091 Responsehttp://mizoramexpress.com/index.php/2010/02/manipur-south-gospel-centenary-special-report/Manipur+South+Gospel+Centenary+Special+Report2010-02-09+14%3A21%3A06Mizoram+Express for “Manipur South Gospel Centenary Special Report”

1. sam says:

   February 15, 2010 at 12:23 pm

   Tuithrapha??????????????????i

   Reply